سهرات ليالينا

www.lyalena.own0.com
 
الرئيسيةالبوابةالتسجيلدخول

شاطر | 
 

 زعبلاوى بيقول الروشنه ليها اصول

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
memo21
مـــشـــرفـــة الـقسـم الاسـلامـى
مـــشـــرفـــة الـقسـم الاسـلامـى
avatar

عدد الرسائل : 214
العمر : 31
بلدك :
Personalized field :
Personalized field :
تاريخ التسجيل : 31/12/2008

مُساهمةموضوع: زعبلاوى بيقول الروشنه ليها اصول   1/4/2009, 7:25 am



بسم الله الرحمن الرحيم
زعبلاوى بيقول ... الروشنة ليها اصول



بسم الله والصلاة والسلام على رسول الله ازيكوا ياجدعان وياجدعات اولا انا احىّ من اعماق اعماق

كبدى الشاب الروش اللى بعت يسألنى عـن معنى الروشنه وأحب أقوله انت اخترت الراجل الصح على

رأيى الشاعـر (ريّح وارتاح هتنور المصباح)



معني الروشنة......

الروشنة كلمة اخترعها الشباب من اجل التعبير عن مرادف كلمات مثل فهلوة,خربشة,صياعة.....

فهي كلمة شاملة كل الكلمات و المرادفات السابق ذكرها وأكثر ....

و هي أسلوب معين في الحياة سواء كان اجتماعي أو ثقافي و أيضا من حيث المظهر وأسلوب التحدث

مع الناس ..... أزاي ابقي روش و عصري من غير معصي ربنا؟؟

بعض الشباب فاكر إن الروشنة هي خروج عن المألوف و أدب اللياقة و البعد عن الدين و هذا خطأ

ولكن أيه الصحيح ؟؟؟

هقولك اللي في رأيي و لا يضرك من أي وعاء خرجت...


1-امشي ع الموضة و لكن.....


اختار اللي يناسبك و يناسب شخصيتك و مركزك في المجتمع و سنك وبيئتك و الأهم هو ما يناسب دينك

حاول ميكنش ملفت للنظر و هديلكوا مثال: بعض الشباب بيسقط البنطلون لحد ميبان الأندر وير و هذا

بالنسبة له روشنة وبل يشعر بالفخر . فرحان اوى بالاندروير مع ان الحركه دى اللى بيعملها الشواذ فى

امركا .


2-حاول تكون اجتماعي بس بحذر..

اللي أنت تكون عارف ناس كتير حاجة ونوعية الناس اللي أنت عارفهم حاجة تانية ...

فيقول ابن خلدون مؤسس علم الاجتماع:"و اعلم إن انبساطك للناس يكسبك صديق السوء ,و أن

انقباضك عنهم يكسبك العداوة و سوء الأصدقاء اشد من بغض الأعداء".

باختصار تكون وسط و حاول ان تظهر شخصيتك ببساطة و على طبيعتك. من غير افتعالات مالهاش

لازمه , وأهم حاجه اوعى تنسى انى ربنا لازم يكون راضى عن اللى انت بتعمله .


3-اعلم ان لكل مقام مقال.


بمعنى انك تنتقي أسلوب حوارك مع الآخرين على حسب مكانته الأجتماعية و لأسلوب تفكيره و

شخصيته و سنه ..... فعندما تكلم أبوك وأمك غير لما تكلم صاحبك أو زميلتك .... وانتقي ألفاظك

وعديها على فلتر عقلك.


4-التعامل مع الجنس الاخر يكون بحساب.....


بمعنى اياك ثم اياك تصاحب بنات لأن دى عندنا كمسلمين روشين وغير روشين حرام لأن ربنا سبحانه

وتعالى قال ( ولا متخذات أخدان ) اى اصحاب ودا بالنسبه شباب او بنات ولكن يكون التعامل فى حدود

المسموح وفى الضروره ومن غير ميوعه فى الكلام وسهوكه واخدلى بالك زى ما ربنا قال ( ولا

تخضعن بالقول فيطمع الذى فى قلبه مرض ) صدق الله العظيم


4-حاول تكون دمك خفيف.

خفة الدم دي هبة من الله , و لكن عايز تبقي دمك خفيف خليك على طبيعتك و لا تتكلف خفة الدم و

بالبلدي متستزرفش كتير عشان متبقش متخنقش اللى حواليك و حاول ان تكون باسما في اشد الأوقات

وإياك و العبوس في وجه زملائك.


5-صاحب ابوك و امك .


لأنك أنت المستفيد في الأول و الأخر و اسمع نصيحتهم و لا تتكبر عليها و كن مرح معهم و خفيف مع

الالتزام بالأدب حتى يرضوا عنك فيرضى الله عنك.


6-عيش حياتك وسنك.


ديننا دين يسر لا عسر فبعض الشباب يظن ان التدين و الدين تكتيفة و خنقة و ده غلط جدا...

لازم ترفه عن نفسك و تمتعها و لكن دون المعصية و هديلكوا مثال:

النادي و الأفراح في نظر البعض حرام و لكن في رأيي أنت اللي بتحدد فلو كنت رايح النادي عشان

تتفرج ع البت الفولانيه و البت العلانية وتصاحب بنات وتضيع وقت او بمعنى اصح تضيع عمرك اكيد

دا حرام وبردوا بالنسبه للكلية واى عمل بتعملواوفى اى مكان لازم تراعى ربنا ولكن و لو كانت نيتك

تروح تشم هواء نظيف او تلعب رياضه او تقابل اصحابك "الشباب طبعا" فمش مشكله خالص مادام

مبتتكلموش فى حاجه تغضب ربنا.



7-حافظ ع الصلاة و مارس الرياضة و بلاش سجاير.


فالصلاة تنهى عن الفحشاء و المنكر , و الرياضة تجعل جسمك موزون وتحسن مظهرك, و السجاير

بتدمر صحتك و مش روشنة و لا وجاهة, بالعكس معظم الناس بتبصلك بأحتكار . "وانا على فكره من

الناس دى" ....

وانا سامع كل واحد مش بيدخن دلقتى وهو بيقول (( الحمدلله الذى عافانا من العافانه )) وربنا يتوب

على كل الشباب اللى بيدخنوا

تخيلوا كده لو تم حظر التدخين فى القناطر ...................... والله هتبقى حاجه جامده جدا لو حصلت

وان شاء الله هتحصل



منقوول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
زعبلاوى بيقول الروشنه ليها اصول
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سهرات ليالينا :: منتديات سهرات ليالينا المتنوعة :: .:::الــمـنــتـــدى الــــــــعــــــــــــــام:::.-
انتقل الى: